長記不如短記, 但關於今次旅程的仍然想記
btw, 行程大兜亂
[五月三十日 星期一]
行程:小人國
到台灣的第一站, 瘋狂拍攝縮景, 玩了tam tam轉, 碰碰車, 以及奇怪的室內漆黑一片過山車, 拍到彩虹的照片
鶯歌陶瓷老街
沒見到街 (但事實上真係有條好似新加坡牛車水的街的), 只有一間工廠狀的建築, 借了廁所, 買左兩舊"手信" (非陶瓷)
老實講, 呢個唔應該係行程的其中一個賣點, 它是一個好點, 但不是重點
taipei 101
終於到了台北市, 導遊狠批這座暫時是全球最高的大廈是一個無謂的建設, 因為台北怎樣說也是在地震帶
全間商場都係名店, 我地將所有時間花在全台灣唯一的一間page one內
呢間係唯一一間我去過有窗的page one, 感覺上似德福廣場o個間ikea
士林夜市
四粒人竟然吃了近NT 200 (每樣share, 除返開), 還以為不用NT 100
詳情 - 甜不辣、花枝羹、芒果沙冰、豪大大雞扒、臭豆腐、蝦卷、豬腸+蒸臭豆腐、蜂蜜蘆筍、香腸、涼圓
很遺憾沒有導遊推介的串燒雞蘿柚
酒店 - 悅喜商務飯店
感覺上像油麻地佐敦的殘舊商業大廈, 11,12樓是酒店, 但1-10樓分別有幾間證券行, 一間撞球室同埋一間海鮮酒家
幸好房間還算舒適, 電視台有百幾個, 有兩台仲要播四仔, 最後同ceci揀左睇慈禧秘密生活, 睇得好開心
雜記:
- 在機場時因為沒有為意, 同佢地三個分開唱錢, 結果蝕左廿蚊台幣的手續費
- 架車都仲未到第一個景點, 已經有兩名團友丟了架, 而這兩名團友是我地四人的其中兩人
- 導遊是個很有趣的叔叔, 樣子有點似黎彼德同埋十幾年前台灣電視劇《包青天》中的郭槐
- 全團30人, 有過半都係死o靚妹, 而當中近八成都係C女, 嘴臉不佳, 還要嘈喧巴閉, 專o係導遊講野既時間大聲傾偈
- 導遊教我地分辨地震, 感到左右搖晃的話勁極有限, 感到上下震動的話請自求多福
- 在士林的購物區見到一個丫大個口用鉛筆玩緊一個小型機械的台仔店員, 客觀來說佢樣很衰, 但我覺得佢好可愛
- 原來真係有「摩斯漢堡店」
[五月三十一日 星期二]
行程:
中正紀念堂
很宏偉, 導遊講解蔣介石及蔣經國的故事實在詳盡
見到一張蔣經國在橫貫公路的工地上, 親手將一塊石頭遞俾工人的照片時, 感到很感動, 可惜沒有將照片拍下
珍珠養殖推廣中心
珍珠粉好像能醫百病, 本想買些用來製作眼藥水, 但價錢太貴, 沒有買, 另, 學識左點樣分辨真假珍珠
故宮博物館
如果冇導遊先生的講解, 其實是沒有太大趣味的, 玉製的白菜與東坡肉實在是巧奪天工
天祿藝術中心
天祿其實是係雄性既貔貅, 主招財, 同埋擋災, 台灣人極為信奉
這是第一個被"掠"的地方, 根據測名結果, 我個名第一個字13劃, 是很好的, 然而個"妍"字若是7劃, 加起來20劃則很差
所有有0的劃數都代表災劫, 輕則破財, 命中多行冤枉路, 重則有大意外, 或非自然喪命
基於對自己的關懷, 同埋導遊誓神劈願話台灣唔會搵人笨, 我用左NT 1988買左隻貔貅
後來回想, 如果個妍字算9劃, 9是好的, 全名13+9=22, 2+2=4, 4也是好的....
就當係買來招財吧, 如果佢冇"負"作用的話
北投水都溫泉會館
第一次浸溫泉, 甚麼池都浸, 有D池過熱, 浸完覺得很累, 但很舒服
由於浸完唔可以用[木見]沖身, 佢冇浴涼房, 但竟然連更衣室都冇, 只有兩格廁所, 浸前大家輪住去廁所換衫, 勁等
浸完之後個個都懶得排隊, 我同anita同ceci就咁o係locker通道上局部脫光更衣, 對我黎講簡直係創舉
港記
買手信既地方, 試吃了好多餅, 全部都好好味, 但只係好節儉地買左鳳梨酥及綠豆糕各一盒
酒店 - 一樂園大酒店
位於西門町中心地帶, 入住率長年高企, 但同尋日間酒店相反, 呢度出面幾靚, 入面好殘
西門町
去了玫瑰唱片, 買了louis armstrong同ella fitzgerald的碟各一隻
晚飯吃了鴨肉扁, 其實是吃鹵水鵝米粉的, 與店員溝通不良, 原來碟鵝係分開買的 (NT 600), 吃得我們很無奈
飯後未能就深夜行程達到共識, 返回酒店
雜記:
- 尋晚間酒店實在好細, 但估唔到佢個餐廳裝唔落我地成團30人; 早餐的食物很有住家feel, 見住佢炒蛋, 但實在普通
- 午飯吃了蒙古燒烤, 頗好吃
- 萌生了一個念頭, 就係台北下次可以自由行, 而且旅伴要同志
- 第二晚了, 還未發現wingb委託我買的絕世名伶大碟, 乜連台灣都斷晒貨?
- 晚上同ceci傾偈, 不知不覺竟然傾到近四點, 期間我在廁所磨蹭的時候竟然突然停電, 黑到伸手不見五指
- 後來只有後備照明, ceci幾驚係地震, 商量下打落櫃檯問 (已經四點鐘!), 佢話搶修中
- 很快修復, 但已經嚇了一大跳; 仍未沖涼洗頭, 商討下決定明早起身沖\
[六月一日 星期三]
行程:
山地傳統民族特產推廣中心
是導遊的偶像小馬哥為幫助原住民而設立的, 導遊叫我地買下野幫下佢地, 本想買些細細的無謂的
但o個度只有三樣野賣, 靈芝, 蜂皇漿, 鹿胎, 最低消費係港幣三百, 還有一種蜂皇漿製成的去死皮膏, 都很貴
未免太高消費, 但最後四人都係買左支去死皮膏返去, 因為買三送一
陽明山硫磺谷火山出口泉眼奇景
其實o係尋日個溫泉隔離, 因為我地尋日全體遲到, 所以今日要特登坐車去睇返
好美既風景, 硫磺既味真係好似臭蛋
茶道研究中心
老闆好攪笑, 但去到邊買到邊既佢地(其實連埋我, 但明顯地我個水喉閂得實d)今次冇買野, 成功脫出
我估全團人冇人o係度買野
雙溪公園
導遊都話呢個係一個無聊的景點, 只係蔣介石起黎tam3宋美齡, 地方大概比一個標準泳池大少少, 但都係好細
忠烈祠
主打都係同門口個儀仗隊人員合照, 我同ceci及anita去完廁所先影, 成為了這個景點最遲上車的人
九份
冇想像中坐咁耐車先到, 主力買蒟蒻, 行左好耐先去到可以眺望基隆港的地方
試吃了綜合魚丸, 牛肉麵及芋丸, 芋丸的番薯味超好吃
京華城
又係大型百貨公司, 同ceci落地庫借廁所之際見到影音攤位的日劇欄有《悠長假期》, 終於都可以買返
但包裝很像翻版, 雖然最後一日臨走時問了導遊, 證實是正貨
阿宗麵線
旅行團包的, 站在街上吃, 麵裡有豬大腸同木薯, 超好, 麵同湯都是勁好
跟住喝了在台北的第二杯珍珠奶茶, 好飲過尋晚
西門町
去尋日打烊了的店舖, 很快就轉攻誠品
誠品敦南店
翌日唔夠時間, 所以呢晚去, 乘的士, 滑過忠孝東路, 好快到達
忍住手只買兩本書, 逗留了個半小時離去, 回程時的士司機好像兜我地路, 用多了NT 20
雜記:
- 晨早七點三, 我一路沖涼洗頭一路諗, 我有幾多年冇試過o係呢個鐘數做呢種事
- 午餐吃風味小吃, 不是十分精彩
- 導遊尋日請我地食鳳梨酥綠豆糕, 今日請食溫泉蛋, 我懷疑佢請我地食野d錢有佢今次帶團的半份糧
- 返到酒店傾左一陣, 準備去沖涼既時候忽然間地震, 好彩係左右的搖晃, 但都夠驚
(後來知道, 原來個地震有六級, 好彩震央o係海底........ 但連台北市都感覺到)
[六月二日 星期四]
行程 - 自由活動:
鼎泰豐
吃了一籠蟹粉小籠包, NT 270, 再加一碗菜肉餛飩湯, NT 120, 每人就這樣吃了廿五蚊港紙
書局街
anita目標明確地分開逛, 同ceci睇日文exercise, 自己也買了幾本書
NOVA電腦城
後來因為時間不足, 分裂左我同jessica出黎, 一心買game
結果, 大部份game都唔岩心水, 岩心水o個d又同香港差唔多價
另, 又話三樓係主力賣電腦遊戲, 點知只有兩間舖的一個corner有game賣, 有點失望
台北車站
試搭捷運, 買飛時發覺車票有好多款式, 於是買左幾張返黎當手信
(我諗應該冇買香港地鐵飛黎做手信咁mo liu, 但其實都差唔多)
西門町
行埋想行的店舖 (未行//行多一次), 扭多幾隻蛋當手信, 回酒店準備pack過晒d野, 一點前自由活動完
其後直奔機場, 只消一個鐘頭三個字, 我地就回到香港了
雜記:
- 早上同ceci遲左起身, 令另外兩位不太爽
- 導遊說坐的士揀新淨d的車果然冇錯, 尋晚涉嫌兜路o個架的士殘到癲, 但另外三程的士都好新, 都係瞬間即達
- 本來話返到西門町去KFC買佢個「巧克力摩卡蛋撻」, 但因為時間關係遺忘左
- 買左本台灣壹仔上飛機睇, 學識左d用字, 如「出櫃」, 「哈菸」, 「補票」, 「互動」...
- 我諗我真係要學識對男仔溫柔d
- 返到香港, 鳴謝ceci個爸爸車我返黃大仙, 尤其當出發地係機場, 而全車人的目的地都在荃灣區的情況下
總括:
- 行左三日CD舖, 都搵唔到絕世名伶隻大碟, wing, 我對你唔住
- 不能親腳踏上忠孝東路任何一段, 誠然是一大遺憾
- 忍耐力被train得淋漓盡致, 但一天裡動的氣有平時三天的份量, 真係命都短幾日
- 同大家相比, 原來我的節制能力都幾高, 得我一個有錢淨, 但我始終都係相信, 應駛得駛
- 撇除一些因素, 今次台北之行真是大高興, 大滿足
- 「不能同心 豈能同行」這句是真理, 無論是在工作或愛情, 甚至在旅遊上都適用, 行行, 多謝你教識我呢句
- 與ceci感情又再昇華, 實屬可喜可賀
- 手信不是買了很多, 希望夠派~
